Një zënkë mes dy të rinjve, që thuhet të ketë filluar rreth gjashtë muaj më parë, të mërkurën i mori jetën një të riu.
Në Mitrovicën e ndarë, një 22 vjeçar mbet i vdekur, e në vendin e ngjarjes ku dëshmitarët treguan për të shtëna dhe u gjetën armë, aty u përdor armë tytëgjatë e njohur si kallashnikov, e Policia raporton se kanë gjetur dy gëzhoja, një shufër metali, një shkop druri.
Dy të mitur u arrestuan, nga 17 vjeç, e për njërin prej tyre thuhet se është dorasi, për çka kështu deklaroi gjatë ditës edhe babai biologjik i tashmë viktimës, Valon Sadiku. (ngase Valoni u rrit nga xhaxhi i tij, që nuk është i gjallë)
Pikërisht armë tytëgjatë, me çfarë ia morën jetën 22 vjeçarit, që është e paqartë si një i mitur mund të posedoj një të tillë, shihet se Valdrin Beqiri, njëri nga të arrestuarit (i akuzuari kryesor), i njeh moti armët e tij.
Në disa fotografi shihet edhe vëllai i tij më armë të gjata, armë këto që nuk do duhej të ishin as në duart e një të rrituri, raporton Periskopi.
Nëna e të rinjve të armatosur, është asambleiste në Kuvendin Komunal të Mitrovicës nga radhët e PDK-së, Valbonë Beqiri, ndërsa babai i tyre, Esat Beqiri, është staf i përhershëm i Kuvendit të Kosovës dhe mban pozitën e zyrtarit të lartë për pagesa.
Kjo familje nuk kanë pranuar të flasin gjatë ditës, por axha i të dyshuarit ka deklaruar se u vjen keq për atë që ka ndodhur dhe bënë me dije se bashkë me një hoxhë, janë duke u përpjekur për të gjetur një zgjidhje të kësaj situate të rëndë.
Këtu thanë se nuk e kanë patur asnjë indikacion që djali i tyre mund të vrasë dikë, ndërsa u deklaruan se nuk ishin në dijeni që po i njëjti ka patur armë.
Përveç Valdrin Beqirit, Policia ka arrestuar edhe një të mitur tjetër, poashtu 17 vjeçar që dyshohet se ka të bëjë me vrasjen.
