(E plotësuar) - 59 zyrtarë të Policisë në Mitrovicë dhe në Prizren janë vënë në pranga sot nga kolegët e tyre.
Ata dyshohen për keqpërdorim të detyrës zyrtare dhe marrje të ryshfetit.
Lidhur me këto aksione që janë zhvilluar sot, Inspektorati Policor i Kosovës ka mbajtur një konferencë të jashtëzakonshme ku bashkë me prokurorët e Mitrovicës dhe Prizrenit kanë dhënë detaje ng ky aksion.
Kryeshefi i Inspektoratit Policor Hilmi Mehmeti tha se janë ndaluar dhe më pas janë suspenduar 20 zyrtarë policorë të Njësisë për kontrolle të autostradave, 20 zyrtarë nga Njësiti Rajonal i trafikut të Mitrovicës, 15 zyrtarë policorë nga njësiti rajonal i trafikut të Mitrovicës së jugut dhe 4 zyrtarë policorë nga Njësiti Rajonal i trafikut të Prizrenit.
Ai gjithashtu sqaroi se të ndaluar në këtë aksion janë 35 zyrtarë të Policisë të nacionalitetit shqiptar, 23 serbë dhe një boshnjak.
Mehmeti: Me grumbullimin e provave materiale vërtetojnë dyshimin e bazuar
“Pas autorizimit nga prokurorët, hetuesit e Policisë kanë zhvilluar hetime duke zbatuar masa të fshehta teknike të hetimit dhe vëzhgimit. Nga zbatimi i këtyre masave ka realizuar me grumbullimin e provave material(audio dhe video incizime) të cilat vërtetojnë dyshimin e bazuar, se një numër i madh ui zyrtarëve policorë nga këto njësi janë të involvuar në veprime kriminale, që ndërlidhen me veprat penale keqpërdorim I pozitës zyrtare apo autoritetit zyrtar dhe marrje ryshfeti”, tha Mehmeti.
Policia do të merr masa edhe ndaj qytetarëve të cilët u kanë dhënë ryshfet zyrtarëve të policisë, e që janë rreth 35.
Mehmeti: Dënim edhe ndaj 30 qytetarëve
‘’Në përmbyllje të këtij hetimi sot është zhvilluar një operacion i gjerë i intervistuar në cilësinë e të dyshuarve. Pas intervistave me vendim të prokurorive përkatëse 59 zyrtaër janë ndaluar dhe janë dërguar në qendrat e mbajtjes, njëkohësisht për këta zyrtarë është kërkuar suspendim nga detyra... Inspektorati policor i Kosovës do të paraqes në prokuroritë kompetente kallëzime penale ndaj 59 zyrtarëve policorë, për veprën penale keqpërdorim i pozitës zyrtare....Gjithashtu IPK do të paraqes kallëzim penal ndaj 30 qytetarëve për veprën penale ‘ dhënie ryshfeti’”, tha Mehmeti
Ndërsa kryeprokurori i Prokurorisë në Mitrovicë Shyqeri Syla tha ende nuk mund të tregohet një vlerë e saktë e dëmit të buxhetit të Kosovës.
Syla gjithashtu tha se hetimet do të zgjasin edhe më tutje dhe atëherë mund të tregohet vlera e saktë.
Syla: Nuk e dimë se sa është vlera e përvetësuar
‘’Ma më vjen keq që është një numër i madh i policëve, ju e dini që policia ka qenë institucioni më i besueshëm deri tash, kjo nuk do të thotë se do të zbehet besueshmëria e policisë, por hetimet kanë treguar se vërtet ishte një përzierje e madhe e zyrtarëve policorë në marrjen e ryshfetit, po ashtu edhe e qytetarëve në dhënien e ryshfetit. Komuna e Mitrovicës është goditur me këtë aksion më së shumti, kemi 20 zyrtarë nga trafiku në veri dhe 15 zyrtarë nga stacioni në jug...Është herët sigurisht të flitet për vlerën e dëmit të buxhetit të Kosovës ... nuk janë shkruar tiketa të cilat e kanë merituar të shkruhen dhe nuk e dim ëse sa është vlera e përvetësuar. Ne them sot se aksioni është zhvilluar dhe më tutje hetimet do të zgjasin pastaj do e themi vlerën e saktë”, tha Syla.
Në këtë konferencë po ashtu u tha se Inspektorati Policor i Kosovës pavarësisht sfidave që është duke u ballafaquar lidhur me numrin e vogël të burimeve njerëzore, do të vazhdojë edhe më tej me përkushtim të luftojë çdo dukuri negative që shfaqet në Policinë e Kosovës e në veçanti për veprimet korruptive.
***
59 policë të arrestuar për ryshfet, kallxim penal edhe për 30 qytetarë që dhanë mito
Inspektorati Policor i Kosovës (IPK) në një konferencë të jashtëzakonshme ka treguar për arrestimin e 59 zyrtarëve policorë të dyshuar për përfitim të ryshfetit gjatë kryerjes së detyrës së tyre zyrtare.
Kryeshefi ekzekutiv i IPK'së, Hilmi Mehmeti ka thënë se hetimet rreth kësaj çështjeje kanë zgjatur 4 muaj.
“Pas informatave se disa pjesëtarë të Policisë po marrin ryshfet nga qytetarët, Prokuroria e Prishtinës dhe ajo e Prizrenit kanë ndërmarrë hetime prej 4 muajve. Sot janë intervistuar në cilësinë e të dyshuarve 59 zyrtarë. Të njëjtit janë ndalur, si dhe është kërkuar suspendimi i tyre nga puna”, tha kryeshefi Mehmeti.
Ai tregoi se edhe për nacionaliteti e Policëve të arrestuar.
“35 prej tyre janë shqiptarë, 23 serb si dhe 1 boshnjak”, tha ai, duke shtuar tutje se IPK do të deponoi në Prokurorinë e Shtetit kallëzim penal për të gjithë policët e arrestuar dhe, po ashtu, ndaj 30 qytetarëve që dyshohet se dhanë ryshfetin.
Nga ana tjetër, Kryeprokurori i Mitrovicës, Shyqëri Syla, ka thënë se komuna e Mitrovicës ka pësuar më së shumti nga ky aksion.
“Kurdoherë që kemi informacione prokuroria e shtetit do të veprojë në këtë mënyrë. Më vjen keq që një numër kaq i madh i policëve të përfshirë janë nga komuna e Mitrovicës që tronditur më së shumti nga ky aksion. Kemi 20 zyrtarë në veri si dhe 15 zyrtarë në jug', ka thënë ai.
Tutje, ai tha se nuk e di vlerën e saktë se sa është dëmtuar buxheti i Kosovës nga ky ryshfet, dhe bëri të ditur se të gjithë policët e arrestuar në Mitrovicë janë të njësisë së trafikut.
***
Konferencë për arrestimin e policëve (Drejtpërdrejt)
Inspektorati Policor i Kosovës po mban një konferencë të jashtëzakonshme për media e cila i referohet operacionit të sotshëm të zhvilluar nga hetuesit e IPK-së dhe arrestimeve të zyrtarëve të dyshuar policorë.
Në këtë konferencë po marrin pjesë kryeshefi Ekzekutiv i IPK-së, Hilmi Mehmeti, kryeprokurori i Prokurorisë në Mitrovicë, Shyqyri Syla, kryeprokurori i Prokurorisë në Prizren, Sylë Hoxha dhe UD i udhëheqësit të Departamentit të Hetimeve Speciale, Exhevit Zuka.
Në këtë konferencë do të shpalosen detaje të operacionit të sotshëm dhe arrestimeve të zyrtarëve policorë.
Arrestimi i policëve, Inspektorati thërret konferencë të jashtëzakonshme
Inspektorati Policor i Kosovës po mban një konferencë të jashtëzakonshme për media e cila i referohet operacionit të sotshëm të zhvilluar nga hetuesit e IPK-së dhe arrestimeve të zyrtarëve të dyshuar policorë.
Në këtë konferencë po marrin pjesë kryeshefi Ekzekutiv i IPK-së, Hilmi Mehmeti, kryeprokurori i Prokurorisë në Mitrovicë, Shyqyri Syla, kryeprokurori i Prokurorisë në Prizren, Sylë Hoxha dhe UD i udhëheqësit të Departamentit të Hetimeve Speciale, Exhevit Zuka.
Në këtë konferencë do të shpalosen detaje të operacionit të sotshëm dhe arrestimeve të zyrtarëve policorë.
