“Pas lirimit të drejtorit të Policisë Nehat Thaçi nga Serbia, askush nuk e di se a pati marrëveshje mes Kosovës dhe Serbisë, dhe se a ishte çmimi i lirimit të tij lejimi i Gjuriqit që të hyjë në Kosovë si në “Bahçe të Babës”, ka thënë Avni Islami.
Përkundër deklaratave të shumta nga ana e zyrtarëve të institucioneve përgjegjëse në Kosovë, se zyrtarët serbë nuk do të hyjnë në territorin e Kosovës pa lejen e tyre, një gjë e tillë nuk ka ndodhur as më 15 dhjetor. Në këtë ditë, pavarësisht refuzimit të hyrjes, që ia kishte bërë Ministria e Punëve të Jashtme të Kosovës, drejtori i Zyrës për Kosovën në Qeverinë e Serbisë Marko Gjuriq, mori pjesë në hapjen e një pompe të benzinës dhe të objektit të shitjes me pakicë të Industrisë së naftës të Serbisë në pjesën veriore të Kosovës.
Vizita e Marko Gjuriqit, ka shkaktuar reagime të ashpra në vend. Kështu, Ministria e Punëve të Jashtme, e ka konsideruar si të papranueshme ardhjen e Marko Gjuriqit, dhe e ka cilësuar si provokative sjelljen e tij në Mitrovicë dhe për këtë arsye i ka dërguar një notë proteste Bashkimit Europian. “
Hyrja ilegale në Kosovë është kundër marrëveshjes për vizitat e ndërsjella të arritur në Bruksel ndërmjet Kosovës dhe Serbisë, të cilat duhet të aprovohen apo ndalohen nga institucionet e të dyja shteteve të paktën 24 orë më herët. Kjo sjellje është kundër frymës së dialogut dhe bashkëpunimit rajonal”, ka deklaruar Ministria e Jashtme, përmes një komunikate për media.
(Tekstin e plotë mund ta lexoni të Enjten në publikimin e shtypur të gazetës kombëtare “Bota sot” në Kosovë dhe diasporë)