Djegia e flamurit të Serbisë në Gjenevë ka ngjallur reagime në Serbi.
Mediat serbe kanë mbushur faqet e gazetave dhe portaleve për flamurin e tyre, të cilin incident e kanë quajtur ‘skandaloz’, madje më skandaloz se vrasjen e shqiptarëve nga UDB-ja në perëndim, sikurse rasti i vëllezërve Gërvalla, shkruan Presheva Jonë.
“SKANDALOZE: ‘Shqiptarët e Kosovës dhe Preshevës ia kanë dhënë flakën flamurit serb në Gjenevë për shkak të komandantit të UÇK-së të arrestuar në Francë”, është vetëm një nga titujt e shkëputur nga mediat serbe.
Sipas mediave serbe “ky veprim vjen si reagim ndaj arrestimit të ish komandantit te UÇK-së, Ramush Haradinaj në Francë, i cili u lirua me kusht ditën e enjte.”
Sipas raportimeve të “Presheva Jonë” që kanë përcjellë mediat e Beogradit kanë raportuar se flamuri u dogj nga emigrantët shqiptarë nga Kosova dhe Presheva.