Ilir Deda, deputeti i Kuvendit të Kosovës, ka thënë se nëse Presidenti Hashim Thaçi ka dhënë urdhër për hyrje në Veri, atëherë do të ketë shkelje të Kushtetutës.
“Sepse, policisë së Kosovës i jep urdhër MPB – edhe – me kërkesë të kryeministrit, e jo kryetari i shtetit. Nëse është e vërtetë që Thaçi i ka dhënë “urdhër” ministrit të brendshëm dhe drejtorit të policisë, derisa Isa Mustafa ligjëronte, atëherë kemi shkelje të Kushtetutës. Dhe tentim rrënim të demokracisë”, ka shkruar Deda në profilin e tij në Facebook.
Deda poashtu ka thënë se “kthimi prapa i trenit tregon vendosmëri shtetërore, më në fund. Kjo vendosmëri tash duhet të vazhdojë me krijimin e konsensusit politik për qasje të re të gjithë Kosovës karshi Serbisë. Dhe kjo vendosmëri nuk guxon ta rrënojë demokracinë, edhe ashtu të brishtë, në Kosovë”.