Në debatin për shpalljen dëshmor të Haki Ymerit nga presidenti i vendit Hashim Thaçi është përfshirë edhe vëllau i madh i vëllezërve Geci, Halil Geci.
Ky i fundit ka shkruar një letër presidentit Thaçi, në të cilën ka thënë se i "pari i vendit" i shpalli tradhtarë vrasësit e Haki Imerit, përcjell Bota sot.
Geci, ndër të tjerash ka thënë se edhe pse nuk ishte kurrfarë date për Haki Ymerin as e lindjes e as e vdekjes "i pari i vendit" e shpalli hero Haki Ymerin.
“Te parit te vendit " i takoj që ti shpallë tradhtarë vrasësit e këtyre burrave, sepse këta heronjë kanë qenë. Ndërsa tani zyrtarisht janë heronjë dhe zyrtarisht vrasësit e tyre janë tradhtarë.
Do të zbulohen ngadalë ngadalë edhe urdhërdhënësit të nivelit të ministrave dhe ata që paguan paratë për vrasjen e këtyre burrave”, ka shkruar Geci në letrën e tij.
Më poshtë e gjeni letrën e tij të plotë:
Unë Halil Geci pa dashje mu desht ti shkruaj te parit te vendit : I "pari i vendit" i shpall tradhëtarë vrasësit e Haki Imerit
Si vëllau i madh i vëllezërve Geci medomos me shtyri situata të përfshihem në debatin për shpalljen dëshmor të Haki Ymerit nga i pari i vendit . Pas këtij momenti në media dhe në opinion kanë shpërthyer zëra e mendime nga më të ndryshmet por që kanë mbizotëruar ato kundër veprimtit të Ymër Ymerit, vëllaut të Haki Ymerit i cili pranoi dekoratën nga "I pari i vendit" dhe mori pjesë në ceremoninë e dekorimit dhe të nderimit te varri i Haki Ymerit.
Të nderuar qytetarë që 18 ( tetëmbëdhjetë) vjet kam thënë që vrasësit dhe urdhërdhënësit që i vranë burrat ma te mirë të LDK -es janë tradhëtarë dhe dorë e zgjatur e Serbisë.
Siç dihet ndër të vrarët e pasluftës ka pasë edhe aktivistë të LDK-së nga Drenica.
Siç I shihni në këtë përmendore janë Haki Imeri i vrarë me 02 .11.1999, Xhafer Behrami i vrarë me 11.06.2000, Baki Behrami me 11.06.2000 Besim Dajaku me 19.10.2001, Bekim Kastrati me 19.10.2001 dhe Azem Ahmeti (nipi i dhe Ahmet Delis) i vrarë më 18 .03 .2003.
Nga data 18 Janar 2017 edhe pse nuk ishte kurrfarë date për Haki Ymerin as e lindjes e as e vdekjes "i pari i vendit" e shpalli hero Haki Ymerin.
Prej datës 18.01.2017 vrasësi dhe urdhërdhënsi i vrasjes së Haki Imerit edhe zyrtarisht janë tradhëtarë e dorë e zgjatur e Serbisë.
Ne e dimë saktë se njëri nga pjesëmarresit në vrasjen e Haki Imerit ka qenë pjesëmarrës edhe në vrasjen e Bekim Kastratit dhe Besim Dajuku dhe plagosjen e vëllaut tim Gani Gecit edhe urdhërdhënsin nën nivelin e ministrave e dimë tashmë.
"Te parit te vendit " i takoj që ti shpallë tradhtarë vrasësit e këtyre burrave, sepse këta heronjë kanë qenë. Ndërsa tani zyrtarisht janë heronjë dhe zyrtarisht vrasësit e tyre janë tradhtarë .
Do të zbulohen ngadalë ngadalë edhe urdhërdhënësit të nivelit të ministrave dhe ata që paguan paratë për vrasjen e këtyre burrave.
Bazuar në datat e vdekjes tre nga këta heronj i takojn? periudhës së mandatuar nga Kuvendi i Kosovës pra Gjykatës Speciale ndërsa tre të tjerët që janë vrarë pas datës 31.12.2000 mbetët të zbardhen nga Prokuroria Speciale e Republikës së Kosovës.
Mbetet të shihet ku dojnë me ba vendin tradhëtaret?
