Në prezencën e presidentit të Kosovës, Hashim Thaçi, kryeministrit Isa Mustafa, ministres për Dialog, Edita Tahiri dhe ministrit të Punëve të Brendshme (MPB), në fshatin Merdare është vënë gurthemeli i pikës kufitare në mes Kosovës dhe Serbisë.
Presidenti i Kosovës, Hashim Thaçi, duke e vlerësuar lartë vënien e gurthemelit të pikës kufitare në mes Kosovës dhe Serbisë, ka theksuar se kjo arritje është si rezultat i dialogut në mes Kosovës dhe Serbisë.
Ai ka thënë se “këto janë kanale të reja të kalimit të qytetarëve shqiptar dhe serb, por edhe të bashkatdhetarëve tone”.
“Këto janë krijuar falë dialogut të zhvilluar në Bruksel”, ka shtuar Thaçi.
