Komandanti Suprem i Forcave Aleate për Evropë Gjeneral Curtis M. Scaparrotti do të qëndrojë sot për vizitë në Kosovë.
Me këtë rast ai do të takohet me komandantin e KFOR-it, Giovanni Fungo.
Pas takimit, të dy gjeneralët në orën 15:15 do të mbajnë një konferencë për media.
Siç bëhet e ditur në një njoftim për media nga zyra për informim e KFOR-it, komandanti Suprem i Forcave Aleate për Evropë Gjeneral gjatë kësaj konference do të flasë mbi misionin e forcave të Aleancës Veri-Atlantike në Kosovë si dhe operacionet e NATO-s në përgjithësi.