Drejtësia franceze ka mohuar ekstradimin e ish shefit të qeverisë së Kosovës, Ramush Haradinaj, drejt Serbisë. Gjykata e Colmar vendosi kundër kërkesës serbe dhe tashmë 48 vjeçari është i lirë, shkruan mes tjerash media zvicerane “NZZ”.
Lajmi është publikuar edhe nga një sërë mediash tjera si “Der Standard”, “AFP” dhe “Reuters”.
“Ne i patëm në konsideratë të gjithë implikimet për të marrë këtë vendim,” tha një zyrtar i lartë francez, i cili dëshironte të mbetej anonim për Reuters. Ai gjithashtu nuk dëshironte ta sqaronte më gjatë./Bota sot/