Kryeministri i Kosovës Isa Mustafa ka uruar zgjedhjen e Talat Xhaferit kryetar i Kuvendit në Maqedoni.
Përmes një postimi në Facebook, Mustafa ka thënë se Ballkani Perëndimor ende po shërohet nga plagët e luftës dhe dhunës, andaj duhet ë evitohet më e keqja, përcjell Bota sot.
Postimi i plotë:
Uroj zgjedhjen e z. Talat Xhaferi, Kryetar i Kuvendit të Maqedonisë. Maqedonia është e qytetarëve të saj shqiptarë aq sa është edhe e maqedonasve dhe të tjerëve.
Kam besim se Maqedonia si shtet fqinj i Kosovës do të konsolidoj institucionet e saj demokratike duke respektuar të drejtat e barabarta për të gjithë qytetarët e saj.
Ne të gjithë në Ballkanin Perëndimor akoma po shërojmë plagët e luftës, dhunës dhe armiqësive, prandaj duhet të evitohen këto të këqija në ndërtimin e ardhmërisë tonë evropiane dhe euroatlantike.
