Ish-anëtari i PDK-së dhe kandidati i pavarur për kryetar të Drenasit, Xhavit Drenori, ka kaluar në partinë Lëvizja Vetëvendosje.
Në një postim në Facebook, Drenori ka thënë se nuk e kishte të lehtë që ta marrë këtë vendim, por sipas tij ishte i duhuri për rrethanat në politikën kosovare.
“VIZIONI për DRENASIN i bashkon forcat me VETËVENDOSJE! në zgjedhjet e 11. Qershorit”, ka njoftuar Drenori.
“Miq, nuk ishte vendim i lehtë por i duhuri për rrethanat e krijuara. Së shpejti do dalim me një deklaratë zyrtare. PS.: ende vazhdoj të mos pajtohem me disa veprime të VV-së, por vizioni i përgjithshem për të ardhmen e qytetarëve tanë është shumë i përafërt”, ka shkruar ai.