Kryetari i PDK-së, Kadri Veseli, ka përshëndetur suksesin e shkencëtarëve nga Kosova “Heliox” përmes një postimi në Facebook, duke thënë se urgjentisht duhet ndarë fonde për teknologji dhe inovacion.
Ja, postimi i plotë:
Shkencëtarët e rinj nga Kosova, “Heliox”, nga më shumë se 200 shtete dhe 25,000 garues, me sfidën e tyre të quajtur “You are my Sunshine”, projekt ky i dalë nga Qendra e Inovacionit të Kosovës (ICK), kanë hyrë në TOP 3 projektet favorite nga mbarë bota për çmimin “People’s Choice” të NASA Space Apps.
Grupi “Heliox” është nominuar edhe për vlerësim të drejtpërdrejtë nga juria e NASA-s.
Projekti i të rinjve kosovarë ka për qëllim që t’i ndihmojë njerëzit që të kuptohet energjia solare dhe krijimi i një mjeti kontrollues të energjisë solare.
E përsëris, urgjentisht duhet ndarë fonde për teknologji dhe inovacion.
Ju falënderoj përzemërsisht të gjithëve për votën tuaj për shkencëtarët tanë të rinj në faqen e mëposhtme.
https://2017.spaceappschallenge.org/vote?q=Heliox