Kryeministri i Kosovës, Isa Mustafa ka treguar se kanë përmbyllur listën e kadidatëve për deputetë, listë kjo e cila do të bëhet publike nga KQZ-ja.
Mustafa përmes një statusi në Facebook, ka shkruar se koaliconi i tyre ka mbledhur ajkën e mendjes intelektuale si dhe të zotësive zhvillimore, biznesore e menagjeriale.
Sipas Mustafës, LDK, AKR, Alternativa dhe Lëvizja për Drejtësi, kanë integritet personal e familjar për t’i ofruar Kosovës, ç’kapjen përfundimtare të shtetit dhe qeverisje evropiane.
Ai shton se ata nuk do të ofrojnë fjalë, protagonizëm, popullizëm, premtime e afate të kota.
Postimi i plotë:
Të nderuar qyterarë,
Përmbyllëm listën për deputetë e cila do të bëhet publike nga KQZ-ja.
Koalicioni për të ardhmen, i kryesuar nga LDK ka mbledhur ajkën e mendjes intelektuale, si dhe të zotësive zhvillimore, biznesore e menagjeriale nga LDK, AKR, Alternativa, Lëvizja për Drejtësi dhe shoqëria civile.
Njerëzit tanë kanë integritet personal e familjar për ti ofruar zhvillim Kosovës, ç'kapje përfundimtare të shtetit dhe qeverisje evropiane.
Nuk ofrojnë fjalë, protagonizëm, popullizëm, premtime e afate të kota!
Gra e burra, të rinj e të reja që kanë marrë besimin e këtyre subjekteve politike, kanë respektin e plotë të qytetarëve.
Unike dhe e pandarë për interesat madhore të Kosovës, lista kryesohet nga kandidati për Kryeministër, z. Avdullah Hoti. E ka përkrahjen time të plotë, si Kryetar i LDK-së.
IM