Albin Kurti është shprehur shumë skeptik për suksesin e Gjykatës Speciale, për të cilën ka kohë që mund të nis punën me aktakuzat e para për krime lufte.
Kandidati i VV-së për kryeministër tha se fajtor për këtë gjykatë janë më së shumti vet eksponentët e UÇK-së në politikë që, sipas tij, kanë folur keq vazhdimisht për njëri-tjetrin te ndërkombëtarët.
“Shumë prej komandantëve në politikë të UÇK-së kanë folur keq për njëri-tjetrin te ndërkombëtarët. Pra i kanë ndihmuar Gjykatës Speciale. Teksa ata nuk takonin njëri-tjetrin, e ndërkombëtarët takonin ata ndaras, kjo gjë shkakton edhe përndjekjen e mëpastajme të tyre”, tha Kurti.
Por ai tha se Specialja është rast Sui Generis, gjë që e bën ta pamundur suksesin.
“Jam skeptik për Gjykatën Speciale. Edhe ata që e kanë menduar atë, po e kanë vështirë ta dizajojnë. Është një ngrehinë Sui Generis, për të cilën edhe vet ndërkombëtarët nuk e dinë se si do duket në fund. Nuk kanë pasur asnjëherë një gjykatë të tillë”, tha ai.
Sipas Kurtit, një ngrehinë e tillë, siç e ka quajtur ai, është lehtë e konstestueshme nga avokatët e mirë.
“Faktorët ndërkombëtarë janë të brengosur se një ngrehinë mund të kontestohet suksesshëm nga avokatët e mirë”, ka theksuar ai.
Kurti tha se nuk ka përshtypje fare se Gjykata Speciale mund të shkaktojë trazira.
“Duhet t’i pyesni ata që e kanë thënë, nuk e di çfarë kanë pasur ata në mendje”, theksoi ai.
