Presiendeti I vendit Hashim Thaçi ka uruar kryetarin e Skenderajt Sami Lushtakun, me rastin e lirimit nga burgu.
Përmes Facebok-ut, Thaçi ka theksuar se lufta për liri e UÇK-së është vlerë thelbësore e shtetit tonë. Kjo vlerë, që sipas tij nënkupton sakrificën e brezave të tërë për lirinë dhe pavarësinë tonë, është e shenjtë dhe e përhershme.
“Përpjekjet për ta njollosur këtë vlerë janë të pakuptimta dhe të padrejta. Konfirmimi i pafajësisë së Kryetarit të Komunës së Skenderajt dhe lirimi nga të gjitha akuzat është edhe një tjetër dëshmi për këtë”, shkruan Thaçi.
“Prandaj, e uroj nga zemra kryetarin Sami Lushtaku dhe shpresoj se pafajësia do t’u konfirmohet edhe bashkëluftëtarëve të tjerë, që edhe ata të mund t’u kthehen familjeve të tyre”, ka uruar Thaçi.
