Shkëmb Manaj, djali i veprimtarit të shquar të LDK-së Shaban Manaj, përmes një postimi në facebook ka kujtuar vrasjen e babait të tij para 17 viteve.
“Vrasja, masakrimi dhe djegia e trupit të pajetë të kryefamiljarit tonë, Shaban Manajt është vrasja me makabre me motive politike që ka ndodhur në Kosovën e pas vitit 1999, përmes së cilës u përcjellë mesazhi i frikës, panikut dhe tmerrit në prag të zgjedhjeve të para lokale, për gjithë ata burra e gra anë e kënd Kosovës që ishin rreshtuar drejtë pas Presidentit historik dr. Ibrahim Rugova, për zhvillimin e vendit dhe të jetës demokratike”, ka shkruar Shkëmb Manaj, përcjellë “Bota sot”.
Ja postimi i plotë:
Sot, plot 17 vite nga një vrasje me motive politike.
Vrasja, masakrimi dhe djegia e trupit të pajetë të kryefamiljarit tonë, Shaban Manajt është vrasja me makabre me motive politike që ka ndodhur në Kosovën e pas vitit 1999, përmes së cilës u përcjellë mesazhi i frikës, panikut dhe tmerrit në prag të zgjedhjeve të para lokale, për gjithë ata burra e gra anë e kënd Kosovës që ishin rreshtuar drejtë pas Presidentit historik dr. Ibrahim Rugova, për zhvillimin e vendit dhe të jetës demokratike.
Ne gjithmonë, gjithësecilin mund ta kqyrim në sy.
17 vite pa vënien e drejtësisë. Drejtësia e vonuar është drejtësi e mohuar.
Në pritje të drejtësisë së mohuar.
Një minutë heshtje për drejtësinë e Kosovës.
