Presidenti i Republikës së Kosovës Hashim Thaçi ka kujtuar rënien e policit të Kosovës, Enver Zymberi.
Përmes një postimi në Facebook, ai ka thënë se e kujtojmë me krenari atë hero të pavarësisë dhe se 25 korriku është Dita e Bashkimit të Kosovës, përcjell Bota sot.
Postimi i tij i plotë:
Në çdo 25 korrik e kujtojmë me krenari heroin e pavarësisë, Enver Zymberin.
Ai ra heroikisht në krye të detyrës, duke mbrojtur kushtetutshmërinë dhe sovranitetin e shtetit tonë.
Njësitë speciale të Policisë së Kosovës morën nën kontroll pikat kufitare 1 dhe 31 dhe kjo ishte edhe Dita e Bashkimit të Kosovës.
Enveri do të kujtohet gjithmonë për guximin e dëshmuar në mbrojtjen e Republikës së Kosovës. HTH./BS/
