Aktori Çun Lajçi ka thënë se të mërkurën do të shkojë në parlament për ta mbushur plisin me dhe, për t’iu hedhur fytyrës atyre të cilët nuk e duan Ramushin Kryeministër.
“Ramush Vlla
Mos u merzit, se të merkurën unë kam me ardhë n'kmishë e n'tlina n'Parlament. Kam me mbushë plisin dhé e kam me i gjujt f'tyrës këta lazdranat që po fluturojnë, tue ju thanë:
"Ky dhe nuk falet as nuk shitet!"
Ata kanë m'u permallue e kanë me i çue duert me i fshi sytë ( jo prej lotëve, po prej Dheut, ) e Ademi me Teutën kanë me i numerue duert e kanë me i ba numërat.
A po e shef se edhe tash hajër prej plisit, sikur 98/99 kur Komandantat e Rognerit na i merrshin krejt paret që i mbledhshim nëpër Diaspor, për me i çue n'frontin e luftës- e gabimisht i shtinin n'xhepat e Tyne. Me hajër Qeveria. Unë të dua Ramush, mos u merzit!", ka shkruar Lajçii në një postim në Facebook.
Mirëpo, një deklaratë e tillë ka sjellë reagimin e analistit politik Nexhat Hazirit i cili i kërkon Lajçit ta mbush plisin me dheun e varreve të Sinan Musajt, Rexhë Osajt, Ramë Idrizit dhe Bashkim Balajt,Smajl Hajdarajt,Tahir Zemaj,Sebahate Tolaj dhe Isuf Haklajt, e shumë të vrarëve të tjerë në Dukagjin, të vrarë në kohë lirie, përcjell Bota sot.
Haziri përmes një statusi në Facebook, iu ka drejtuar Lajçit duke i thënë që të shkojë në Parlament, jo për ta zgjedhur Ramushin Kryeministër, por për të kërkuar drejtësi.
“O Çun Lajçi
Mbushe plisin me dheun e varreve të Sinan Musajt, Rexhë Osajt, Ramë Idrizit dhe Bashkim Balajt,Smajl Hajdarajt,Tahir Zemaj,Sebahate Tolaj dhe Isuf Haklajt, e shumë të vrarëve të tjerë në Dukagjin, të vrarë në kohë lirie. A thu, i vrau "reja" o Çun .Shko në Parlament, jo për ta zgjedhur Ramushin kryeministër, por për të kërkuar drejtësi. Shko o Çun n'kuven, aty ku mahet mledhi, thuj pash njat Pereni se kto vorre, nuk falen, nuk shiten,nuk lypin hakmarrje, veç drejtësi” ka shkruar Haziri./BS