Presidenti i Kosovës, Hashim Thaçi, ka pritur sot në takim një delegacion të deputetëve të Parlamentit të Kroacisë, të shoqëruar nga ambasadorja kroate, Maria Kapitanoviq, të cilët i ka falënderuar për mbështetjen që Kroacia i ka dhënë Kosovës në vazhdimësi.
Ai ka theksuar se do të angazhohet për avancim të përfaqësimit të komunitetit kroat në institucionet e Kosovës.
“E çmoj miqësinë historike me Kroacinë. Jemi mirënjohës për përkrahjen që Kroacia i jep Kosovës në çdo forum”, ka thënë Thaçi.
Ndërsa, ambasadorja Kapitanoviq tha se Kosova dhe Kroacia kanë shumë ura që i lidhin, e më e vlefshmja janë komunitetet respektive, ai shqiptar në Kroaci dhe ai kroat në Kosovë.