Kryeministri i Republikës së Kosovës, Ramush Haradinaj priti ambasadoren e Turqisë në Kosovë, Kivilcim Kiliç.
Në këtë takim të frytshëm, Haradinaj dhe ambasadorja Kiliç diskutuan për lidhjet e forta midis dy vendeve dhe për forcimin e mëtejshëm të zhvillimit të politikave ekonomike.
Haradinaj ka theksuar se është i gatshëm të punojë së bashku në shumë sfera me Turqinë në të mirën e të dy vendeve dhe të zgjerojë bashkëpunimin dypalësh.
Shkëlqesia e saj, ambasadorja e Turqisë, Kiliç ka theksuar se ata janë një nga mbështetësit më të fuqishëm të kësaj qeverie dhe ka hapur të gjitha dyert e mundshme për të punuar më tej për zhvillime të mëdha në nivel politik dhe ekonomik.