Ka filluar të bëhet autopsia e tri vdekjeve të dyshimta në Qendrën Klinike Universitare të Kosovës.
Lajmin e ka konfirmuar Ekrem Lutfiu, zëdhënësi i Prokurorisë së Shtetit.
“Në kuadër të hetimeve dhe me qëllim të ndriçimit të rastit, me urdhër të Prokurorisë Themelore në Prishtinë, Instituti i Mjekësisë Ligjore ka bërë zhvarrimin e tri kufomave, vdekja e të cilëve është cilësuar si vdekje e dyshimtë dhe pastaj të bëjë autopsinë ku do të konstatohet shkaku i vdekjes së tyre”, ka thënë Lutfiu.
Ditë më parë në QKUK janë regjistruar tri vdekje të dyshimta, që akoma nuk dihet saktësisht se si kanë ndodhur.
