Presidenti i Kosovës, Hashim Thaçi i cili ndodhet në Shtet e Bashkuar për një vizit zyrtare ka vizituar Kompleksin e Varrezave Ushtarake në Arlington.
Thaçi ka shkruar në Facebook se asnjëherë nuk do të harrojmë sakrificën e ushtarëve amerikanë në çlirimin e Kosovës dhe në sigurimin e paqes në botë.
Postimi i plotë:
Rikthimi në Kompleksin e Varrezave Ushtarake në Arlington të SHBA-së është gjithmonë një moment emocional dhe reflektimi.
Qindra mijëra ushtarë të vrarë amerikanë, me sakrificën e tyre kanë ridefinuar dashurinë për lirinë, për atdheun dhe e kanë shndërruar atë në frymëzim për botën.
Për të njëjtat vlera luftoi dhe sakrifikoi edhe populli i Kosovës. Ne, asnjëherë nuk do të harrojmë sakrificën e ushtarëve amerikanë në çlirimin e Kosovës dhe në sigurimin e paqes në botë.
