Kryetari i Drenasit, Ramiz Lladrovci sonte në debatin në RTK është sulmuar keq me fjalë e akuza nga kundërkandidatët e tij për këtë komunë.
Ata Ramiz Lladrovcit i kanë parashtruar pyetje për punët që nuk i ka kryer gjatë mandatit të tij.
Në momentin që ai e mori fjalën për t’ju përgjigjur, Arta Ahmeti kandidate për kryetare të Drenasit nga AAK ndërhyri, por që Lladrovci ia ktheu ‘’Mos u përziej ti’’.
Pas kësaj Lladrovci nisi të arsyetohej për tenderat, e për shpalljen e bursave, por që debati eskaloi.
Të gjithë kandidatët nisën ta sulmonin me fjalë atë, madje pak gjë kuptohej edhe çka thonin.
Përkundër kësaj, Ramiz Lladrovci nuk ndalej duke folur e u arsyetuar.