Deputetja e LDK-së, Vjosa Osmani është shprehur kritike ndaj presidentit të Republikës së Kosovës, Hashim Thaçi.
Ajo ka thënë se presidenti po e keqpërdor këtë institucion në shumë mënyra.
Mënyra e parë e keqpërdorimit të këtij institucioni sipas saj, është se Thaçi ka bërë fushatë në favore të PDK-së.
“Ky institucion po tregohet diksrkiminues me qytetarët e Kosovës. E kemi për obligim në këtë kuvend ku është zgjedhur ai, të ngritim zërin ndaj tij. Presidenti nuk po luan rolin e unifikuesit", tha ajo.
“Ai filloi të mbledh vota për rrëzimin e qeverisë, dhe u angazhua në fushatë duke favorizuar PDK-në. Pra presidenti ka bërë fushatë gati në të gjitha komunat në favore të PDK-së”, tha më tej Osmani.
Ajo tha se çështja e dytë që ai po e keqpërdor rolin e tij, është bisedimet me Serbinë.
“Presidenti në kundërshtim me rezolutën e Kuvendit për bisedimet e Brukselit, po bën marrëveshje më Serbinë. Ky president jo që nuk e përfaqëson popullin, por po e turpëron këtë institucion”, tha Osmani.
