Bilall Sherifi përmes rrjetit social Facebook ka shkruar për një intervistë të publikuar nga e përditshmja franceze Le Monde, me kryetarin e Gjyqtarëve të EULEX-it, Malcolm Simmons ku shkruhej se EULEX kishte për qëllim eliminimin e Fatmir Limajt nga skena politike, shkruan Gazeta Blic.
Sherifi ka shkruar se dorëheqja e Simmons dhe denoncimi i tij për korrupsion brenda EULEX-it ka shkaktuar jehonë të madhe.
Në fund, Sherifi ka shkruar se falënderojnë Simmons për nxjerrjen e të vërtetës në shesh.
Ky është statusi i tij i plotë:
Kryetari i Gjyqtarëve të EULEX-it, Malcolm Simmons në një intervistë për të përditshmen franceze “Le Monde”, pos tjerave, ka deklaruar se EULEX-i për motive politike kishte për qëllim eliminimin nga skena politike të Fatmir Limajt!
Dorëheqja e zotit Malcolm Simmons dhe denoncimi i tij për korrupsion brenda EULEX-it, ka bërë një jehonë të madhe në qarqet politike dhe mediale të BE-së. Sidomos deklarata e tij se “EULEX-i nuk është një mision që ka për qëllim të promovojë një shtet të së drejtës por është mision politik. Kush mendon ndryshe ai është ose naiv ose i marrë” tronditi themelet e një misioni aq të ndjeshëm në këtë pjesë të Ballkanit.
PËR TA ILUSTRUAR POHIMIN E TIJ SE KY MISION VEPRON NË BAZË TË VENDIMEVE POLITIKE E JO PARIMEVE TË SË DREJTËS, SI DO TË DUHEJ TË ISHTE, ISH KRYETARI I GJYQTARËVE TË EULEX-IT, MALCOLM SIMMONS SJELL SHEMBULLIN E FATMIR LIMAJT. ZOTI MALCOLM SIMMONS DEKLARON SE “EULEX-I DËSHIRONTE TA ELIMINONTE NJË PJESË TË KLASËS POLITIKE, SIÇ ËSHTË RASTI I FATMIR LIMAJT (ISH-KOMANDANT I GUERILES SHQIPTARE TË UÇK-SË DHE KRYETAR I NISMA PËR KOSOVËN, PARTI OPOZITARE E PRESIDENTIT HASHIM THAÇI) I AKUZUAR PËR KRIME LUFTE.
KAM QENË KRYETAR I GJYQIT NË KËTË PROCES NË VITIN 2013 DHE SHUMË SHPEJTË E KUPTOVA SE MISIONI I EULEX-IT DËSHIRONTE T’I NXJERRË PENGESA ATIJ NË RRUGË KUR AFROHESHIN ZGJEDHJET. KRYETARI I GJYQTARËVE TË EULEX-IT TË ASAJ KOHE, CHARLES SMITH, MË THA QË MISIONI DËSHIRONTE QË Z.LIMAJ TË DËNOHET. AI BËRI PRESION NDAJ MEJE, PRESION QË E MORA SI KËRCËNIM PERSONAL. KËTË ÇËSHTJE IA PËRCOLLA AMBASADORIT TË MBRETËRISË SË BASHKUAR, POR MENDOJ SE QEVERIA BRITANIKE NUK DËSHIRONTE TA NJOLLOSTE IMAZHIN E MISIONIT. KJO MËNYRË VEPRIMI U PËRDOR EDHE NË DOSJET TJERA. NË VAZHDIMËSI KA PERSONA QË QËNDROJNË MBI GJYQTARËT.
KRAHAS KËSAJ BRITANIKU MALCOLM SIMMONS DENONCON KËTË INSTITUCION SE ËSHTË I KORRUPTUAR DHE NË KUNDËRSHTIM ME PARIMET E SË DREJTËS. AI DORËHEQJEN E VET E ARSYETON SE NUK KA GJETUR MBËSHTETJEN E DUHUR NË BRUKSEL PËR T’I LUFTUAR DUKURITË NEGATIVE QË KARAKTERIZOJNË EULEX-IN.
QYTETARËT E KOSOVËS DHE SIDOMOS ANËTARËT DHE SIMPATIZANTËT E NISMA PËR KOSOVËN QË GJITHMONË BESUAN NË PAFAJËSINË E FATMIR LIMAJT FALËNDEROJNË ZOTIN MALCOLM SIMMONS PËR NXJERRJEN E TË VËRTETËS NË SHESH.
KOSOVA DHE QYTETARËT E SAJ KANË NEVOJË PËR MBËSHTETJE TË MIRËFILLTË QË TË FUNKSIONOJË SHTETI I SË DREJTËS E JO PËR MISIONE POLITIKE QË VEPROJNË NËN PETKUN E INSTITUCIONEVE TË DREJTËSISË!
