Deputeti i LDK-së, Lumir Abdixhiku, përmes llogarisë së tij në Facebook, ka kritikuar Qeverinë Haradinaj për mos prezencën e ministrave dhe deputetëve të pozitës në seancën e Kuvendit të Kosovës, përcjellë “Bota sot”.
Abdixhiku ka shkruar se ministrat e Qeverisë Haradinaj dhe deputetët e pozitës zgjedhën për këtë punë, paguhen majmë, nënshkruhen në mëngjes e ikin pa u kthyer më.
Ja postimi i plotë:
Ministrat nuk janë në sallë.
Deputetët e pozitës s’janë në sallë.
Nga 120 deputetë vetëm 61 janë në seancë.
Nga 21 ministra vetëm 1 është këtu.
Zgjedhën për këtë punë, paguhen majmë, nënshkruhen në mëngjes e ikin pa u kthyer më. S’kam parë papërgjegjësi kaq shumë. Një pozitë e tillë s’meriton të udhëheqë. S’është e aftë të udhëheqë./BS