Ftesë për pjesëmarrje në ceremoninë e Lutjeve të Mëngjesit në SHBA ka marr edhe kryetari i Kuvendit të Kosovës, Kadri Veseli.
Edhe pse kryeministri i vendit, Ramush Haradinaj e ka të vështirë të pajiset me vizë nga Ambasada e SHBA-ve, Veseli nuk e ka këtë problem.
Burimet bëjnë të ditur se kryetari i Kuvendit posedon vizë dyvjeçare për Amerikë.
Ai është pajisur me vizë amerikane vitin e kaluar ku më pas kishte qëndruar në Uashington. Pas kthimit nga Uashingtoni, Veseli kishte publikuar një fotografi në Facebook, ku shihej së bashku me presidentin amerikan, Donald Trump.
Në postimin e Veselit ishte shpërndarë fotografia pa shpjeguar arsyen e këtij takimi.
Kujtojmë se Veseli është lideri i parë shqiptar që e ka takuar presidentin e SHBA-ve.