Kryetari i komunës së Drenasit, Ramiz Lladrovci, ka shprehur ngushëllime për vdekjen e Jonuz Musliut.
Përmes një postimi në llogarinë e tij në Facebook, ai ka thënë se ai u shua në Janarin e flakadanëve të lirisë dhe vet ishte një flakadan, përcjell Bota sot.
Lladrovci ka shkruar se nga sot Lugina e as Kosova nuk do të jenë të njëjta.
Postimi i plotë:
Veprimtari i shquar, Komandanti dhe shoku im Jonuz Misliu, shkoi në amshim në Janarin e flakadanëve të lirisë. Ai vet ishte flakadan.
Nga sot, Lugina nuk do të jetë e njëjtë. Edhe Kosova, nga sot është më e varfër për një flakadan, ashtu siç është tërë kombi ynë.
Jonuzi, zuri vendin e merituar në panteonin e veprimtarëve të shquar të heronjve të kombit, duke kaluar në përjetësi.
Lavdi jetës e veprës së Jonuz Musliut!
