Edhe deputeti i Lidhjes Demokratike të Kosovës (LDK), Lumir Abdixhiku, ka përkujtuar 12 vjetorin e vdekjes së Presidentit historik, Ibrahim Rugovën, pëcjell "Bota sot".
Abdixhiku përmes një postim në llogarinë e tij në 'Facbook', ka thënë se 12 vjet më parë Kosova humbi një lider e prijës të pashoq; një njeri të urtë e të përgjegjshëm për vendin e popullin e tij.
“12 vjet më parë Kosova humbi një lider e prijës të pashoq; një njeri të urtë e të përgjegjshëm për vendin e popullin e tij. Vizioni i Ibrahim Rugovës - idetë e tij për shtet - do të vazhdojnë të frymëzojnë gjenerata të tëra për tash e shumë kohë”, shkruan Abdixhiku.
Ja postimi i plotë i deputetit të LDK-së:
12 vjet më parë Kosova humbi një lider e prijës të pashoq; një njeri të urtë e të përgjegjshëm për vendin e popullin e tij. Vizioni i Ibrahim Rugovës - idetë e tij për shtet - do të vazhdojnë të frymëzojnë gjenerata të tëra për tash e shumë kohë.
Ky vizion, për një Republikë të pavarur, të zhvilluar e në aleancë të pathyeshme me Perëndimin do t’i mbijetojë edhe përpjekjeve naive e dashakeqe që na shpërfaqet sot. Republika e tij dhe e jona do të triumfojë para grupeve theqafëse.