Presidenti i Kosovës, Hashim Thaçi i cili po qëndron në Shtetet e Bashkuara të Amerikës i ka dorëzuar një kopje të deklaratës së pavarësisë së Kosovës bibliotekës së Kongresit amerikanë.
Po ashtu, ai ka shkruar në Facebook se “deklarata e pavarësisë së Kosovës do të ruhet përjetësisht në vendin dhe shtetin, i cili dje mbështeti lindjen, derisa sot ruan ekzistencën e kësaj deklarate dhe shtetit tonë”.
Postimi i plotë:
Për dhjetëvjetorin e pavarësisë, sot kam dorëzuar një kopje të deklaratës së pavarësisë së Kosovës në Bibliotekën e Kongresit amerikan.
Bashkë me shumë dokumente të rëndësishme botërore, deklarata e pavarësisë së Kosovës do të ruhet përjetësisht në vendin dhe shtetin, i cili dje mbështeti lindjen, derisa sot ruan ekzistencën e kësaj deklarate dhe shtetit tonë.
Jemi të bekuar me miqësinë e përjetshme me popullin dhe shtetin amerikan.
