Zëvendëskryeministri dhe Ministri i Jashtëm i Republikës së së Kosovës, Behgjet Pacolli, ka udhëtuar sot në orët e vona të pasditës për në Gjermani, ku pritet të marrë pjesë në Konferencën e Sigurisë në Munih.
Në margjina të kësaj Konference të nivelit të lartë botërorë, e cila bashkon vendim-marrësit më të mëdhenj në politikat e sigurisë ndërkombëtare, kreydiplomati kosovar do të ketë takime të shumta me homologut e tij dhe përfaqësues të tjerë të nivelit të lartë.
Në këtë konferencë, e cila njihet si njëra nga Think Tank-ët më me ndikim në botë marrin pjesë rreth 500 liderë dhe ku diskutohen krizat e tanishme dhe sfidat e ardhshme të sigurisë ndërkombëtare.