Zëvendëskryeministri i Kosovës dhe ministri për Komunitete dhe Kthim, Delibor Jevtiq, ka udhëtuar për në Londër, në vend të kryeministrit, Ramush Haradinaj, për të marrë pjesë nesër në Samitin e investimeve në Ballkanin Perëndimor, i organizuar nga Banka Europiane për Rindërtim dhe Zhvillim.
Në Londër Jevtiq do të ketë një sërë takimesh me zyrtarë qeveritarë nga vendet pjesëmarrëse, organizatorë të samitit dhe përfaqësues të BERZH-it.
Atje do të paraqitet plani dhe rëndësia e investimeve në komunitetet e banuara nga popujt jo-shumicë në Kosovë, me theks të veçantë në projektet e rëndësishme për popullin serb.