Kuvendi i Kosovës duhet të racionalizojë kohën e vet në mënyrë që të ec përpara më miratimin e ligjeve dhe të marrëveshjeve ndërkombëtare.
Kështu thotë, Albert Krasniqi nga Instituti KDI që monitoron Kuvendin.
Ky është komenti i tij i plotë në Facebook:
Kuvendi është vonë dhe nuk po zë hapin me zhvillimet
- SOT, Kuvendi mbanë debat parlamentar për Raportin 100 ditësh të Qeverisë, si dhe Interpelancë për rritjen e pagave të anëtarëve të kabinetit qeveritar – 70 ditë vonesë;
- DJE, nuk u arrit të hedhet në votim Demarkacionin me Malin e Zi – tre vite vonesë;
- PARDJE, në Kryesinë e Kuvendit sërish u bllokua kalimi i Rregullores së Punës së Kuvendit – gjashtë vite vonesë.
Ndërkohë, në komisionet parlamentare janë grumbulluar 52 projektligje të cilat presin shqyrtim, ndërsa Kuvendi deri më tani ka miratuar vetëm shtatë ligje.
Kuvendi duhet të racionalizoji kohën e vet. E këtë më së miri mund ta bëjë duke iu shmangur debateve populiste që të vetmin qëllim kanë protagonizmin individual.
