E paqartë nisma e VV-së për shkarkimin e Aida Dërgutit si nënkryetare e Kuvendit - Bota Sot
E paqartë nisma e VV-së për shkarkimin e Aida Dërgutit si nënkryetare e Kuvendit

Aktuale

E mërkurë, 18 korrik 2018

E paqartë nisma e VV-së për shkarkimin e Aida Dërgutit si nënkryetare e Kuvendit

Më: 17 mars 2018 Në ora: 18:25
Aida Derguti

Kuvendi i Kosovës mund ta ketë para vetës një “sfidë”, nëse Aida Dërguti ish-deputete e Vetëvendosjes nuk jep dorëheqje nga posti i nënkryetares së Kuvendit.

Kjo pasi, sipas njohësve të rregullores së Kuvendit, nuk është e sqaruar proceduralisht nisja e iniciativës për shkarkimin e nënkryetarit të Kuvendit, përveç që për shkarkimin e nënkryetarit duhet 80 vota të deputetëve.

Deri më tani  Kuvendi i Kosovës nuk është përballur më një situatë të tillë, për shkarkimin e nënkryetarit, ndërsa që edhe për zgjedhjen e tyre ka pasur një konsensus mes partive politike në Kuvend.

Në bazë të rregullores së Kuvendit të Kosovës, posti i nënkryetarit të Kuvendit u takon tri grupeve më të mëdha parlamentare nga partitë shqiptare.

Aida Dërguti ishte zgjedhur në këtë post, si deputete e Vetëvendosjes, por pas kalimit të saj në Grupin e Pavarur të Deputetëve, asaj më nuk i takon ky post. Ajo ose duhet dhënë dorëheqje ose do të shkarkohet nga Kuvendit.

Por, sipas Valmir Ismailit nga Demokraci Plus, nuk specifikohet se si nisë procedura për shkarkimin e nënkryetarit, e në këtë rast sipas tij, nisma do të duhej të merrej nga Vetëvendosje.

“Deri më tash nuk ka pasur një rast të tillë dhe me aq sa kam kërkuar në dokumente nuk kam hasur një formë se si do duhej, por vetëm duhet 2/ 3 e votave të deputetëve, pra 80 vota. Ndoshta do duhej që të vinte nisma nga Vetëvendosje, pasi është pozita që ju takon atyre”, ka thënë Ismaili.

Ai është shprehur se Dërguti në këtë rast do duhej të jepte dorëheqje, pasi nuk i takon ai post.

“Aida Dërgu në këtë rast ishte dashtë më dhanë dorëheqje, sepse tre nënkryetarët i takojnë tri grupeve më të mëdha parlamentare, që në këtë rast janë LDK, PDK, VV” ka vlerësuar Ismaili.

Aida Dërguti është në mesin e 12 deputetëve të larguar nga Lëvizja Vetëvendosje që kanë formuar grupin e ri parlamentar.

Edhe Lëvizja Vetëvendosje ka bërë thirrje që Dërguti të jap dorëheqje nga posti i nënkryetare së Kuvendit.

Kryesia e Kuvendit të Kosovës, përbëhet nga 6 anëtarë, një kryetar dhe pesë nënkryetar.

Pozita e nënkryetarëve ju takon tri grupeve më të mëdha parlamentare të partive shqiptare, dhe dy pozita janë për minoritetet.

Komentet
comments powered by Disqus
Sot mund të lexoni Shfletoni kopertinat
Sondazh
test