Presidenti i Kosovës Hashim Thaçi ka përkujtuar fillimin e bombardimeve të sulmeve ajrore të NATO-s kundër forcave ushtarake serbe, sot kur bëhen 19 vjet.
Përmes një postimi në llogarinë e tij në Facebook, ai ka thënë se u jemi përjetësisht mirënjohës SHBA-së, BE-së dhe NATO-s, që me intervenimin e tyre kanë hapur një kapitull të çlirimit të Koosvës, përcjell Bota sot.
Postimi i tij i plotë:
Sot u bënë 19 vjet nga fillimi i sulmeve ajrore të NATO-s kundër forcave ushtarake e policore serbe. Pasi përpjekjet diplomatike ndërkombëtare nuk e ndalën agresionin e regjimit të Millosheviqit në Kosovë, ndërhyrja e NATO-s kishte mbetur alternativë e vetme për t’i dhënë fund vuajtjeve të popullit tonë.
U jemi përjetësisht mirënjohës SHBA-së, shteteve të BE-së dhe Aleancës së NATO-s, që me intervenimin e tyre hapën kapitullin e çlirimit të Kosovës.
Republika e Kosovës mbetet e përkushtuar për forcimin e paqes, sigurisë dhe për një të ardhme në fqinjësi të mirë në tërë rajonin. HTH.
