Eksperti i sigurisë Fadil Kajtazi, ka numëruar arsyet se pse nuk po bie Qeveria PANA-Lista Serbe, e drejtuar nga kryeministri Ramush Haradinaj.
Kajtazi, në një postim në Facebook, ka thënë se arsyeja kryesore pse nuk po bie Qeveria Haradinaj, është lobingu i tij përmes Dardan Gashit, brenda Grupit Parlamentar të Lidhjes Demokratike të Kosovës, përcjell Bota sot.
Sipas tij, LDK-ja duhet të formojë një komision hetimor që të hetojë veten nga “sabotatorët”, të cilët nga viti 1994, zhvillojnë luftë speciale kundër LDK-së.
Më poshtë reagimi i plotë i Fadil Kajtazit:
Pse nuk bie qeveria e Ramushit
Nuk bie Qeveria e Ramushit për disa arsye. Më kryesori është se brenda grupit parlamentar të LDK-së, Ramushi ka lobingun e vet, të cilin e zhvillon përmes Dardan Gashit. “Lista Rugova” u krijuar vetëm për ta ndalur LDK-që të most ë ishte e para. Po t’I bëhet analizë zgjedhjeve të vitit 2011, shihet qartë se kjo ishte diversion kundër LDK-së, vetëm që ajo të mos jetë e para.
Po të shikohet numri i votave që kjo “Listë” i shmangi LDK-së dhe dëmin që i shkaktoi në aspektin propagandistik, këto zgjedhje do të prodhonin një deputet plus-minus në raport me PDK-në.
LDK nuk duhet të lodhet shumë për komisionet hetimore parlamentare për SHIK-un, ngase një gjë e tillë nuk mund të prodhojë asnjë efekt jurudik, përpos që do ta legalizonte veprimtarinë e kësaj organizate. LDK duhet të krijojë një komision hetimor që ta hetojë veten nga sabotatorët qëi ka brenda e që nga viti 1994 zhvillojnë luftë speciale kundër LDK-së. Mjafton të shihet votimi i deputetëve të LDK-së për mocionin kundër ministrit me alltia Dardan Gashit dhe të kuptohet se sa perfide është lufta speciale që zhvillohet brenda LDK-së nga vet “njerëzit” e LDK-së./BS