11 vjeçari nga Shtimja që mbajt i kidnapuar për disa orë është mirë.
Atij po i bëhen të gjitha ekzaminimet mjekësore për të vërtetuar se ai realisht është mirë.
11 vjeçari është duke i kryer të gjitha kontrollet e nevojshme.
Agim Gashi zëdhënës për rajonin e Ferizajit thotë se 11 vjeçari i cili iku nga kidnapuesit e që më pas është paraqitur vet në polici, tashmë ndodhet në duar të sigurta.
“Të gjitha masat e nevojshme janë marrë”.
Sipas Gashit për shkak se fëmija është i mitur, policisë i duhet kohë për ta hetuar këtë rast.
“Fëmijës tashmë po i bëhen të gjitha kontrollet tek psikologu për fëmijë”, ka thënë shkurt Gashi. Sipas tij gjithçka që thuhet më shumë për këtë rast, mund të pengojë në hetimet që tashmë policia I ka filluar.
“Më 9.4.2018 rreth orës 00:15 minuta, viktima është paraqitur në stacionin policor në Ferizaj. Viktima është në gjendje të mirë shëndetësore dhe sipas deklaratës së tij, ai kishte arritur që të dalë nga automjeti i të dyshuarve dhe është paraqitur në polici”, thuhet në njoftimin e Policisë.
Hetuesit policorë janë duke i vazhduar hetimet për zbardhjen e rastit.
Ndryshe, mbrëmë kidnapuesit e 11-vjeçarit familjes Tafa i kërkonin 50 mijë euro.
Motivet e rastit ende nuk dihen, por vetëm që babai i djalit kishte pranuar një mesazh në telefon, ku i kërkohej që t’i grumbullojë 50 mijë euro si kusht për lirimin fëmijës.
