Edhe kryqi i gjelbër i barnatoreve bartë një mesazh Ne të gjithë e dijmë se kryqi i gjelbër është një simbol me të cilin kryesisht i identifikojmë barnatoret/ farmacitë, por çfarë tregon ngjyra e tij, ndoshta pak persona e dijnë.
Shpesh e keni parë edhe kryqin e kuq në autoambulanca, por dallon nga ai që i identifikon barnatoret. Kryqi i Kuq i Federatës Ndërkombëtare dhe Gjysmëhëna e kuqe është simbol i mbrojtur sipas Aktit të Konventave të Gjenevës dhe nuk mund të përdoret pa leje.
Ndërsa kryqi i gjelbër është simbol i natyrës dhe jetës.
Për të përfaqësuar jetën në kuptimin frymor nuk ka ngjyrë më të përshtatshme se e gjelbërta. Sot kryqi i gjelbër ka një kuptim laik dhe përdorët për kujdesin shëndetësor, pra është simbol i ndihmës së parë.
Në vitin 1948 kryqi i gjelbër është përdorur në Gjermani. Në këtë kohë ai nuk kufizonte vetëm shëndetin e njeriut por me anë të këtij simboli tregonte edhe mbrojtjen e kafshëve dhe bimëve.
Ndërsa në Japoni një flamur me kryq të gjelbër në një fushë të bardhë ka fluturuar shpesh në vendet e ndërtimit të fabrikave për të inkurajuar punëtorët për të kujtuar shëndetin dhe sigurinë.