Presidenti i vendit, Hashim Thaçi, ka reaguar pas gjetjes së trupit të njërit prej policëve të zhdukur prej 6 ditësh.
Përmes një postimi në llogarinë e tij në Facebook, ai ka shprehur ngushëllime familjarëve të të ndjerit dhe ka falënderuar FSK-në, policinë dhe qytetarët për angazhimin, përcjell Bota sot.
Postimi i tij i plotë:
Pas një pune të përbashkët të institucioneve dhe qytetarëve, sot ekipet e përfshira në kërkimin e dy policëve të zhdukur në lumin “Lepenc”, kanë gjetur trupin e pajetë të njërit prej tyre. Njësitet e FSK-së, Policinë e Kosovës dhe qytetarët e angazhuar vullnetarisht i falënderoj për punën dhe mbështetjen e tyre, kurse familjarëve të të ndjerit u shpreh ngushëllimet më të sinqerta. Bashkëndjejmë me dhimbjen e tyre. HTH.