Pas aksidentit të autobusit që ndodhi në Pejë, ka reaguar edhe kryeministri i Kosovës, Ramush Haradinaj, ku u shpreh se është duke i përcjellur të gjitha zhvillimet në Spitalin Rajonal të Pejës ku po trajtohen personat e lënduar pas aksidentit të autobusit në Dedesh të këtij qyteti.
“Me të marrë vesh për rastin menjëherë kam dërguar zëvendësministrin e shëndetsisë z. Ali Berisha, i cili me informoi se janë 24 persona të lënduar që po marrin trajtim dhe për fat asnjë nga ta nuk janë në rrezik jete”, ka shkruar Haradinaj në Facebook.
Në Spitalin e Pejës janë dërguar për trajtim 31 pacientë që janë me lëndime të ndryshme pas fatkeqësisë së komunikacionit. Kryeministri i ka falenderuar personelin e Spitalit në Pejë për reagimin e shpejtë dhe profesional për tu dalë në ndihmë të aksidetuarve.
