Albert Krasniqi nga KDI ka komentuar deklaratën e Angela Merkel se Kosova duhet ta luftojë krimin dhe organizuar dhe korrupsionin.
Përmes një postimi në llogarinë e tij në Facebook, ai ka thënë se derisa ky është kusht për liberalizimin e vizave, në Qeveri ka pesë ministra nën hetime dhe se nuk duhet kërkuar shembull më të mirë të përkushtimit të qeverisë, përcjell Bota sot.
Postimi i tij i plotë:
Merkel po kërkon nga Kosova që ta luftojë krimin e organizuar dhe korrupsionin.
Qeveria e Kosovës i ka pesë ministra nën hetime (disa edhe me aktakuza) për korrupsion dhe keqpërdorim të detyrës zyrtare. Krejt kjo në kohën kur luftimi i korrupsionit është edhe kusht për liberalizimin e vizave.
Shembull më të mirë të përkushtimit të Qeverisë mos kërkoni.