Lidhja Demokratike e Kosovës ka inicuar një komision për keqpërdorim të fondeve për lobim të jashtëm. Mirëpo ky komision me kundërshtimin e partive të tjera të pozitës ende nuk është formuar.
Analisti politik, Skender Zogaj thotë se të gjitha partitë politike kanë bërë keqpërdorime të fondeve, por LDK-ja ka qenë më e kursyera.
“Nuk është në pyetje mosguximi por është qëndrimi strategjik i mos lejimit të krijimit të komisioneve të ndryshme, sepse, nëse krijohen struktura hetuese për keqpërdorimet e shumta 20-vjeçare, do shplohen rrënjët e partive politike të cilat dihet se, të gjitha pa dallim, kanë bërë keqpërdorime nga më të pistat! Inicimi i LDK-s për një komision për keqpërdorimin e fondeve për lobim të jashtëm, them se është provokues, me qëllim elektoral, sepse dihet se LDK-ja në fondet për lobim të jashtëm ka qenë më e kursyera prandaj, ka rezon që të insistojë hetim të keqpërdorimeve nga partitë simotra”, thotë Zogaj për “Bota sot”.