Ushtruesi i detyrës së drejtorit të Policisë së Kosovës Naim Rexha, ka pritur sot në një takim zyrtar kryetarin e Odës së Avokatëve të Kosovës Osman Havolli.
Sipas një njoftimi për media nga Policia, Rexha tregoi angazhimin dhe përkushtimin e vazhdueshëm të Policisë në përmbushjen e detyrave dhe obligimeve të saja ligjore në të mirë të sigurisë dhe rendit në Kosovë.
“Gjatë takimit u çmua lart edhe bashkëpunimi i ndërsjellët ndërinstitucional, duke u veçuar nevoja e një angazhimi edhe më të lartë drejt angazhimit të avokatëve sipas detyrës zyrtare të caktuar nga Oda e Avokatëve të Kosovës”, thuhet në njoftim.