Presidenti i Kolumbisë Santos, dhe lideri rebel i njohur si Timochenko shtrënguan duart pas nënshkrimit të marrëveshjes, raporton BBC.
Qeveria kolumbiane dhe krahu i majtë i rebelëve FARC, kanë nënshkruar një marrëveshje historike e cila zyrtarisht i ka dhënë fund 52 viteve të luftës civile.
Udhëheqësi rebel Timoleon Jimenez, i njohur si Timochenko, kërkoi falje për "të gjitha viktimat e konfliktit" dhe u përshëndet me brohoritje dhe duartrokitje.
"Unë do të doja të kërkoj falje për të gjitha dhimbjet që i kemi shkaktuar gjatë kësaj lufte”, tha ai.
Mysafirët ishin veshur në të bardhë në ceremoninë në Cartagena, për të simbolizuar paqen.
Konflikti më i madh i Luftës së Ftohtë vrau rreth 260,000 njerëz dhe la 6 milionë të zhvendosur brenda vendit.