Hillary Clinton ka shënuar 12 pikë më shumë se rivali i saj republikan Donald Trump, sipas sondazheve të realizuara të dielën në garën për kreun e Shtëpisë së Bardhë, shkruan AFP.
Kandidati republikan i nominuar për president të ShBA-ve Donald Trump ka pasur një rënie në sondazhe që nga komentet e tij të turpshme ndaj grave.
Ai gjithashtu ka hezituar të tregojë nëse do të pranojë rezultatet e zgjedhjeve në rast se humbet garën ndaj Clinton, transmeton KosovaPress.
Clinton kryeson me 50 përqind deri në 38 përqind, sipas sondazhit të ABC News.
