Presidenti i sapo zgjedhur amerikan, Donald Trump, e ka siguruar shefin e NATO-s se SHBA-ja mbetet e përkushtuar fuqishëm ndaj aleancës ushtarake, edhe pse republikani kishte bërë kritika të mëdha ndaj saj gjatë fushatës së suksesshme presidenciale.
Gjatë fjalimeve të mbajtura në muajt e fundit, Trump u kishte thënë përkrahësve: “NATO është e vjetërsuar dhe nuk përfaqëson më vlera të mira për SHBA-n”.
Mandje, Trump kishte thënë se shpërbërja e NATO-s nuk do të ishte aspak e keqe.
Tash, në atë që duket se është kthesa më e fundit e ndryshimit të qëndrimeve të Trump, qëkur u zgjodh president, ai raportohet të jetë tërhequr nga kritikat e bëra ndaj organizatës së NATO-s.
Sekretari i Përgjithshëm i NATO-s, Jens Stoltenberg, ka thënë sot për BBC se ai kishte folur personalisht me Trumpin qëkur u shpallen rezultatet e zgjedhjeve.
“Trump shumë qartë ma ka thënë mua dhe liderëve evropianë pasi që u zgjodh president se ai dhe Shtetet e Bashkuara do të mbesin të përkushtuara fuqishëm ndaj NATO-s dhe se garancitë për siguri në Evropë qëndrojnë,” ka thënë Stoltenberg.
