Dy gazetarë u vranë gjatë një transmetimi live në një radio në Republikën Domenikane.
Për këtë tashmë janë arrestuar tre persona.
Një nga gazetarët gjatë kësaj kohe ishte duke filmuar show-un e tij në Facebook live, kur ai u qëllua për vdekje.
Videoja që e shpalos këtë moment tregon se transmetimi “live” ndërpritet nga një e shtënë zjarri derisa dëgjihet një grua në panik duke bërtitur “të shtëna”.
Dy gazetarët e vrarë ishin prezantuesi, Luis Manuel Medina dhe producenti i radios, Leo Martinez.
Gjatë këtyre të shtënave është lënduar edhe një grua. Për personat e arrestuar akoma nuk është ngritur akuza.
