Nga sulmi masiv kibernetik global janë rrezikuar 150 vende dhe janw preku më shumë se 300,000 kompjuterë, ka thënë këshilltari për Sigurinë e brendshme të Presidentit amerikan Donald Trump, Tom Bossert.
Bossert gjatë një konference për media tha se Shtëpia e Bardhë nuk ka asnjë informacion nëse pas pagesës i është siguruar ndokujt sërish qasje në të dhënat e mbyllura kompjuterike.
Bossert po ashtu njoftoi se asnjë sistem i Qeverisë amerikane nuk është prekur nga këto sulme kibernetike, raporton AFP.
Virusi kibernetik tani po përhapet më ngadalë dhe nuk është regjistruar ndonjë dështimet tjetër sa i përket të dhënave kompjuterike. Kurse vëmendja botërore është përqendruar të pasojat e sigurisë kibernetike, ndërsa ekspertët paralajmërojnë se mund të shfaqen versione të reja të virusit.
Autorët e sulmit ende nuk dihen, por Bossert tha se zyrtarët amerikanë nuk e përjashtojnë mundësinë që ky është një "veprim shtetëror", duket se ajo është një ndërmarrje kriminale që ndërlidhet me kërkesat për shëlbim.
Autoritetet në Evropë dhe në SHBA, janë përqendruar në parandalimin hakerëve për të përhapur versione të reja të virusit.
