Banorët e një lagjeje në Florida të Shteteve të Bashkuara të Amerikës po evakuohen për shkak të një grope masive thithëse që shkatërroi dy shtëpi.
Mediat amerikane shkruajnë se gropa u formua rreth orës 8:30 me orën lokale në Land O’Lake dhe kishte madhësinë e një pishine të vogël. Ajo nisi të zmadhohej me shpejtësi dhe vijon të zmadhohet.
Autoritetet thonë se një shtëpi në Ocean Pines Drive u shkatërruar totalisht, ndërsa një tjetër është dëmtuar thuajse 60 përqind. Fatmirësisht në banesë nuk ndodhej njeri.
CBS News shkruan se autoritetet i kanë bërë thirrje banorëve që të mbledhin sendet e tyre dhe të përgatiten për t’u evakuuar.
Momentalisht, rreth 100 shtëpi janë pa energji elektrike.
Gropat thithëse nuk janë një fenomen i ri në Florida, kjo për shkak të nëntokës së saj, që përbëhet nga një shtresë e masive shkëmbi gëlqeror. Shumë shpesh ky shkëmb gërryhet nga uji, duke krijuar shpella, të cilat në disa raste rrëzohen dhe shkaktojnë gropa thithëse në sipërfaqe.
