Trump: Do mbajmë hapur “Guantanamon” - Bota Sot
Trump: Do mbajmë hapur “Guantanamon”

Amerika

E enjte, 16 gusht 2018

Trump: Do mbajmë hapur “Guantanamon”

Më: 31 janar 2018 Në ora: 09:11
Presidenti Donald Trump

Një urdhër i ri ekzekutiv, i shpallur nga Presidenti Donald Trump gjatë fjalimit të tij për gjendjen e vendit, anulon një urdhër të vitit 2009 në të cilin presidenti Barack Obama premtoi të mbyllte objektin e paraburgimit në ishullin “Guantanamo” në Kubë.

Shtëpia e Bardhë e bëri njoftimin pak para fjalimit të martën mbrëma. Presidenti e shpalli vendimin në fjalimin e tij:
“Në të kaluarën, ne kemi lëshuar pa arsye qindra terroristë të rrezikshëm, të cilët janë kthyer përsëri në fushën e betejës, duke përfshirë udhëheqësin e ISIS, al-Baghdadi. Prandaj, sot po mbaj një premtim tjetër. Sapo nënshkrova një urdhër që udhëzon Sekretarin e Mbrojtjes Mattis të rishikojë politikën tonë të paraburgimit ushtarak dhe për të mbajtur hapur objektet e paraburgimit në Gjirin e Guantanamos”, tha Trump.

Ai tha gjithashtu se koalicioni për të mposhtur ISIS-in ka çliruar gati 100 për qind të territorit të mbajtur dikur nga këta vrasës në Irak dhe Siri. “Por ende ka shumë punë për t’u bërë. Ne do të vazhdojmë luftën tonë derisa ISIS të mposhtet”, tha Presidenti.

“Terroristët nuk janë thjesht kriminelë. Ata janë luftëtarë të paligjshëm të armikut. Dhe kur kapen jashtë shtetit, ata duhet të trajtohen si terroristë që janë”, theksoi më tej Trump.

Komentet
comments powered by Disqus
Sot mund të lexoni Shfletoni kopertinat
Sondazh
test